|
|
اعجبك
اعجبك في كل شي إلا الزعل
قلبي طول العمر عايش في سلام
لو تخاصمني أخاصمك بغزل
لو تراضيني أجاذبك الغرام
لك حبيب الروح في قلبي محل
يحرسك يحميك من ظلم الغرام
ما يجيك الضيم افرح واحتفل
دام أنا يا زين تحملني العظام
اعشقك لا شفت في عيونك خجل
وإن بعدت الشمس في عيوني ظلام
وارتعش لا جيت وفي عيونك وجل
كإن بين العين والنظرة خصام
ما يتوه اليوم عني من سأل
عاشقك معروف من عطر الخزام
لو يروح العمر باقي لي أمل
ألمس القمره أراضيها وأنام
